menu.png
Passwort vergessen ?

Kapitel Ansicht

 (Index)


•••► •••►
Vers Text
1 א  למנצח על-שושן עדות    מכתם לדוד ללמד
2 ב  בהצותו את ארם נהרים--    ואת-ארם צובה וישב יואב ויך את-אדום בגיא-מלח--    שנים עשר אלף
3 ג  אלהים זנחתנו פרצתנו    אנפת תשובב לנו
4 ד  הרעשתה ארץ פצמתה    רפה שבריה כי-מטה
5 ה  הראית עמך קשה    השקיתנו יין תרעלה
6 ו  נתתה ליראיך נס להתנוסס--    מפני קשט סלה
7 ז  למען יחלצון ידידיך    הושיעה ימינך ועננו (וענני)
8 ח  אלהים דבר בקדשו--אעלזה    אחלקה שכם ועמק סכות אמדד
9 ט  לי גלעד ולי מנשה ואפרים מעוז ראשי    יהודה מחקקי
10 י  מואב סיר רחצי--על-אדום אשליך נעלי    עלי פלשת התרועעי
11 יא  מי יבלני עיר מצור    מי נחני עד-אדום
12 יב  הלא-אתה אלהים זנחתנו    ולא-תצא אלהים בצבאותינו [ (Psalms 60:13) יג  הבה-לנו עזרת מצר    ושוא תשועת אדם ] [ (Psalms 60:14) יד  באלהים נעשה-חיל    והוא יבוס צרינו ]