menu.png
Passwort vergessen ?

Kapitel Ansicht

 (Index)


•••► •••►
Vers Text
1 [A] O unfrodans Galateis! hvas izwis afhugida sunjai ni ufhausjan? izwizei faura augam Iesus Xristus faurameliþs was, in izwis ushramiþs?
2 [A] þat~ain wiljau witan fram izwis, uzu waurstwam witodis ahman nemuþ þau uzu gahauseinai galaubeinais?
3 [A] swa unfroþans sijuþ? anastodjandans ahmin nu leika ustiuhiþ?
4 [A] swa filu gawunnuþ sware? aþþan jabai sware!
5 [A] saei nu andstaldiþ izwis ahmin jah waurkeiþ mahtins in izwis, uzu waurstwam witodis þau uzu gahauseinai galaubeinais?
6 [A] swaswe jah Abraham galaubida guda . . . .
27 [A] swa managai auk swe in Xristau daupidai wesuþ, Xristau gahamodai sijuþ.
28 [A] nist Judaius nih Kreks, nist skalks nih freis, nist gumakund nih qinakund; unte allai jus ain sijuþ in Xristau Iesu.
29 [A] aþþan þande jus Xristaus, þannu Abrahamis fraiw sijuþ jab~bi gahaitam arbjans.