menu.png
Passwort vergessen ?

Kapitel Ansicht

 (Index)


•••► •••►
Vers Text
1 למנצח מזמור לדוד׃
2 חלצני יהוה מאדם רע מאיש חמסים תנצרני׃
3 אשר חשבו רעות בלב כל־יום יגורו מלחמות׃
4 שננו לשונם כמו־נחש חמת עכשוב תחת שפתימו סלה׃
5 שמרני יהוה מידי רשע מאיש חמסים תנצרני אשר חשבו לדחות פעמי׃
6 טמנו־גאים פח לי וחבלים פרשו רשת ליד־מעגל מקשים שתו־לי סלה׃
7 אמרתי ליהוה אלי אתה האזינה יהוה קול תחנוני׃
8 יהוה אדני עז ישועתי סכתה לראשי ביום נשק׃
9 אל־תתן יהוה מאויי רשע זממו אל־תפק ירומו סלה׃
10 ראש מסבי עמל שפתימו [כ= יכסומו] [ק= יכסמו]׃*
11 [כ= ימיטו] [ק= ימוטו] עליהם גחלים באש יפלם במהמרות בל־יקומו׃
12 איש לשון בל־יכון בארץ איש־חמס רע יצודנו למדחפת׃
13 [כ= ידעת] [ק= ידעתי] כי־יעשה יהוה דין עני משפט אבינים׃
14 אך צדיקים יודו לשמך ישבו ישרים את־פניך׃