Gefundene Einträge
| Buch | Kapitel | Vers | Text |
| 1 Mose | 2 | 15 | Tulit ergo Dominus Deus hominem et posuit eum in paradiso Eden, ut operaretur et custodiret illum; |
| 1 Mose | 2 | 16 | praecepitque Dominus Deus homini dicens: “Ex omni ligno paradisi comede; |
| 1 Mose | 2 | 17 | de ligno autem scientiae boni et mali ne comedas; in quocumque enim die comederis ex eo, morte morieris”. |
| 1 Mose | 2 | 18 | Dixit quoque Dominus Deus: “Non est bonum esse hominem solum; faciam ei adiutorium simile sui”. |
| 1 Mose | 2 | 19 | Formatis igitur Dominus Deus de humo cunctis animantibus agri et universis volatilibus caeli, adduxit ea ad Adam, ut videret quid vocaret ea; omne enim, quod vocavit Adam animae viventis, ipsum est nomen eius. |
| 1 Mose | 2 | 20 | Appellavitque Adam nominibus suis cuncta pecora et universa volatilia caeli et omnes bestias agri; Adae vero non inveniebatur adiutor similis eius. |
| 1 Mose | 2 | 21 | Immisit ergo Dominus Deus soporem in Adam. Cumque obdormisset, tulit unam de costis eius et replevit carnem pro ea; |
| 1 Mose | 2 | 22 | et aedificavit Dominus Deus costam, quam tulerat de Adam, in mulierem et adduxit eam ad Adam. |
| 1 Mose | 2 | 23 | Dixitque Adam: “Haec nunc os ex ossibus meis et caro de carne mea! Haec vocabitur Virago, quoniam de viro sumpta est haec”. |
| 1 Mose | 2 | 24 | Quam ob rem relinquet vir patrem suum et matrem et adhaerebit uxori suae; et erunt in carnem unam. |
| 1 Mose | 2 | 25 | Erant autem uterque nudi, Adam scilicet et uxor eius, et non erubescebant. |
| 1 Mose | 3 | 1 | Et serpens erat callidior cunctis animantibus agri, quae fecerat Dominus Deus. Qui dixit ad mulierem: “Verene praecepit vobis Deus, ut non comederetis de omni ligno paradisi?”. |
| 1 Mose | 3 | 2 | Cui respondit mulier: “De fructu lignorum, quae sunt in paradiso, vescimur; |
| 1 Mose | 3 | 3 | de fructu vero ligni, quod est in medio paradisi, praecepit nobis Deus, ne comederemus et ne tangeremus illud, ne moriamur”. |
| 1 Mose | 3 | 4 | Dixit autem serpens ad mulierem: “Nequaquam morte moriemini! |