Gefundene Einträge
| Buch | Kapitel | Vers | Text |
| 1 Mose | 3 | 20 | Et vocavit Adam nomen uxoris suae Eva, eo quod mater esset cunctorum viventium. |
| 1 Mose | 3 | 21 | Fecit quoque Dominus Deus Adae et uxori eius tunicas pelliceas et induit eos. |
| 1 Mose | 3 | 22 | Et ait Dominus Deus: “Ecce homo factus est quasi unus ex nobis, ut sciat bonum et malum; nunc ergo, ne mittat manum suam et sumat etiam de ligno vitae et comedat et vivat in aeternum!”. |
| 1 Mose | 3 | 23 | Emisit eum Dominus Deus de paradiso Eden, ut operaretur humum, de qua sumptus est. |
| 1 Mose | 3 | 24 | Eiecitque hominem et collocavit ad orientem paradisi Eden cherubim et flammeum gladium atque versatilem ad custodiendam viam ligni vitae. |
| 1 Mose | 4 | 1 | Adam vero cognovit Evam uxo rem suam, quae concepit et peperit Cain dicens: “Acquisivi virum per Dominum”. |
| 1 Mose | 4 | 2 | Rursusque peperit fratrem eius Abel. Et fuit Abel pastor ovium et Cain agricola. |
| 1 Mose | 4 | 3 | Factum est autem post aliquot dies ut offerret Cain de fructibus agri munus Domino. |
| 1 Mose | 4 | 4 | Abel quoque obtulit de primogenitis gregis sui et de adipibus eorum. Et respexit Dominus ad Abel et ad munus eius, |
| 1 Mose | 4 | 5 | ad Cain vero et ad munus illius non respexit. Iratusque est Cain vehementer, et concidit vultus eius. |
| 1 Mose | 4 | 6 | Dixitque Dominus ad eum: “Quare iratus es, et cur concidit facies tua? |
| 1 Mose | 4 | 7 | Nonne si bene egeris, vultum attolles? Sin autem male, in foribus peccatum insidiabitur, et ad te erit appetitus eius, tu autem dominaberis illius”. |
| 1 Mose | 4 | 8 | Dixitque Cain ad Abel fratrem suum: “Egrediamur foras”. Cumque essent in agro, consurrexit Cain adversus Abel fratrem suum et interfecit eum. |
| 1 Mose | 4 | 9 | Et ait Dominus ad Cain: “Ubi est Abel frater tuus?”. Qui respondit: “Nescio. Num custos fratris mei sum ego?”. |
| 1 Mose | 4 | 10 | Dixitque ad eum: “Quid fecisti? Vox sanguinis fratris tui clamat ad me de agro. |