Gefundene Einträge
| Buch | Kapitel | Vers | Text |
| 1 Mose | 2 | 15 | Tulit ergo Dominus Deus hominem, et posuit eum in paradiso voluptatis, ut operaretur, et custodiret illum : |
| 1 Mose | 2 | 16 | præcepitque ei, dicens : Ex omni ligno paradisi comede ; |
| 1 Mose | 2 | 17 | de ligno autem scientiæ boni et mali ne comedas : in quocumque enim die comederis ex eo, morte morieris. |
| 1 Mose | 2 | 18 | Dixit quoque Dominus Deus : Non est bonum esse hominem solum : faciamus ei adjutorium simile sibi. |
| 1 Mose | 2 | 19 | Formatis igitur Dominus Deus de humo cunctis animantibus terræ, et universis volatilibus cæli, adduxit ea ad Adam, ut videret quid vocaret ea : omne enim quod vocavit Adam animæ viventis, ipsum est nomen ejus. |
| 1 Mose | 2 | 20 | Appellavitque Adam nominibus suis cuncta animantia, et universa volatilia cæli, et omnes bestias terræ : Adæ vero non inveniebatur adjutor similis ejus. |
| 1 Mose | 2 | 21 | Immisit ergo Dominus Deus soporem in Adam : cumque obdormisset, tulit unam de costis ejus, et replevit carnem pro ea. |
| 1 Mose | 2 | 22 | Et ædificavit Dominus Deus costam, quam tulerat de Adam, in mulierem : et adduxit eam ad Adam. |
| 1 Mose | 2 | 23 | Dixitque Adam : Hoc nunc os ex ossibus meis, et caro de carne mea : hæc vocabitur Virago, quoniam de viro sumpta est. |
| 1 Mose | 2 | 24 | Quam ob rem relinquet homo patrem suum, et matrem, et adhærebit uxori suæ : et erunt duo in carne una. |
| 1 Mose | 2 | 25 | Erat autem uterque nudus, Adam scilicet et uxor ejus : et non erubescebant. |
| 1 Mose | 3 | 1 | Sed et serpens erat callidior cunctis animantibus terræ quæ fecerat Dominus Deus. Qui dixit ad mulierem : Cur præcepit vobis Deus ut non comederetis de omni ligno paradisi ? |
| 1 Mose | 3 | 2 | Cui respondit mulier : De fructu lignorum, quæ sunt in paradiso, vescimur : |
| 1 Mose | 3 | 3 | de fructu vero ligni quod est in medio paradisi, præcepit nobis Deus ne comederemus, et ne tangeremus illud, ne forte moriamur. |
| 1 Mose | 3 | 4 | Dixit autem serpens ad mulierem : Nequaquam morte moriemini. |