Gefundene Einträge
| Buch | Kapitel | Vers | Text |
| Matthaeus | 2 | 21 | O Josef wushtilo, lia la glata ai leska da ai gele ande Israel. |
| Matthaeus | 2 | 22 | Numa kana ashundias ke o Archelaus ashilo amperato ande Juda ando than pesko dadesko o Herod, darailo te zhal kotse. Ai ke phendosas leske ando suno katar o Del gelo ande Galilee; |
| Matthaeus | 2 | 23 | Gelo te beshel ando foro Nazareth, te pherdiol so sas phendo katar le profeturia,, ke si te akharen les Nazarene. |
| Matthaeus | 3 | 1 | Ande kodia vriama o Iovano o baptisto dias duma ande pusta ande Judea. |
| Matthaeus | 3 | 2 | Ai phenelas, "Kein tume anda tumare bezexa ke e amperetsia le Devleski avel." |
| Matthaeus | 3 | 3 | O profeto Esaia phenelas pa Iovano, kana phendia, "Ek glaso kai del mui ande pusta. Keren drom le Devleske, keren leske vorta drom!" |
| Matthaeus | 3 | 4 | Le tsalia le Iovanoske sas kerde andal bal la gemulake ai phiravelas prastia morchaki; lesko xabe sas grimptsuria ai divlo avjin. |
| Matthaeus | 3 | 5 | O narodo avelas leste anda Jerusalem, anda sa e Judea ai anda sa o Jordan. |
| Matthaeus | 3 | 6 | Phende peske bezexale, ai o Iovano o baptisto bolelas le ando pai kai bushol Jordan. |
| Matthaeus | 3 | 7 | Kana o Iovano dikhlia ke but Farizeanuria ai Saduseanuria avile leste te bolenpe, phendia lenge, "Tume vitsa sapeski, kon phendias tumenge ke sai skepin katar e xoli le Devleski kai si te avel? |
| Matthaeus | 3 | 8 | Keren so sikavel ke chaches amboldian tume katar tumare bezexa te avel fruta tumendar. Ai na gindin ke vorta san kana phenen tumenge, '' Abraham si amaro dat'' ke me phenav tumenge ke o Del sai kerel anda kadala bax shave le Abrahamoske. |
| Matthaeus | 3 | 10 | "O tover ka le vuni la krengake; ke che godi krenga chi dela lashi fruta avela shindi, ai shudini ande iag. |
| Matthaeus | 3 | 11 | Me bolav tumen ando pai te sikadiol ke keisailian ai amboldian tume katar tumare bezexa, numa avel iek pala mande, kai si mai baro mandar; me chi mov dosta te inkerav leske papucha. Wo bolela tume ando Swunto Duxo ai iagasa. |
| Matthaeus | 3 | 12 | Si les so trobul ai gata lo te xulavel o jiv , o jiv thola ande pesko bano ai le suluma phabarela ande iag kai shoxar chi merela." |
| Matthaeus | 3 | 13 | Antunchi o Jesus avilo anda Galilee ka pai o Jordan te belel les o Iovano. |