Gefundene Einträge
Buch | Kapitel | Vers | Text |
1 Mose | 2 | 16 | Təzzar ig'Əməli Məššina y aggadəm tarɣəmt təṃosat as das iṇṇa: «Təle turagat ən taṭṭay n aratan n eškan kul win n əgoras. |
1 Mose | 2 | 17 | Mišan ad-wər-tatša aratan n ašək wa n maṣnat n a wa olaɣan d iba-nnet, fəlas as tan-tətšeɣ illikan as a kay iba.» |
1 Mose | 2 | 18 | Iṇṇa Əməli Məššina: «Wər oleɣ ad iṃos aggadəm ɣas-net ad-as-aga tadhəlt a dər inihagga.» |
1 Mose | 2 | 19 | Ixlak-du Əməli Məššina daɣ aṃadal imudaran kul win ozalnen fəl aṃadal əd g̣ədad kul. Iwat-tan-du s aggadəm ad-inəy Əməli Məššina ma əṃosan əṣmawan win dasan z-agu. Təzzar iqqal as iṣmawan win ig'aggadəm i mudaran, əntanay a tan əwarnen. |
1 Mose | 2 | 20 | Ig'aggadəm iṣmawan i hərwan əd g̣ədad əd wəxsan kul, mišan wər ɣur-əs ig'as, ənta aggadəm, igraw tadhəlt a dər inihagga. |
1 Mose | 2 | 21 | Təzzar isaṭṭarmas-tu Əməli Məššina iket an eṭəs. Daɣ amazay wa d inṣa da ikkas-du iyyan daɣ ɣərdəššan-net issoɣal iṣan n alam təməwit-nasan. |
1 Mose | 2 | 22 | Ixlak-du Əməli Məššina tanṭut daɣ əɣərdes wa dd-ikkas daɣ aggadəm da, eway-tat-du sər-əs. |
1 Mose | 2 | 23 | Təzzar iṇṇa aggadəm: «Ənta da ta təṃosat eɣas ən ɣasan-in elam n alam-in. Ənt'as z-itawaṇṇu tanṭut fəl-as aləs a daɣ du-tətawakkas.» |
1 Mose | 2 | 24 | A di da a fəlas aləs ad-ifəl ehan ən šis əd ṃas, irtəy əd tənṭut-net, əqqəlan elam iyyanda. |
1 Mose | 2 | 25 | Aləs əd tənṭut ket-nasan əxizamzaman, eges wər tan tətibəz takarakit. |
1 Mose | 3 | 1 | Təməlult togar imudaran kul win n aṃadal, win d-ixlak Əməli Məššina maṣnat ən təkərras. Təṇṇa i tənṭut: «Tidət as iṇṇa Məššina: <ad-wər-tatšim aratan n eškan kul win n əgoras a?>» |
1 Mose | 3 | 2 | Təṇṇa tənṭut i təməlult: «Tidət as nəṭattu aratan n eškan n afarag |
1 Mose | 3 | 3 | mišan wər nəṭəttu araṭan n ašək wa ihan aṃṃas n afarag fəlas Məššina a dana iṇṇan: " A tan wər tatšim za wala təḍəsam-tan as iga a di a-kawan-iba."» |
1 Mose | 3 | 4 | Təzzar təṇṇa təməlult i tənṭut: «illikan as wər za taṃṃatim. |
1 Mose | 3 | 5 | Mišan Məššina iṣṣan as as tan tətšam šiṭṭawen-nawan ad-annalamnat, amaran təqqəlam šilat-net, təṣṣənam arat wa olaɣan d iba-nnet.» |