Gefundene Einträge
| Buch | Kapitel | Vers | Text |
| Matthaeus | 2 | 21 | Yuusufa jóg nag, jël xale ba ak ndeyam, dellu Israyil. |
| Matthaeus | 2 | 22 | Waaye bi mu déggee ne, Arkelawus moo donn Erodd baayam ca nguuru Yude, mu ragal faa dem. Yàlla artu ko nag ci gént, mu daldi dem diiwaanu Galile. |
| Matthaeus | 2 | 23 | Mu ñëw nag dëkk ci dëkk bu ñuy wax Nasaret. Noonu am la ñu waxoon ca xale ba, jaarale ko ca yonent ya, bi ñu naan:«Dees na ko tudde Nasaréen.» |
| Matthaeus | 3 | 1 | Ca jamono jooja Yaxya feeñoon na, di waare ca màndiŋu Yude. |
| Matthaeus | 3 | 2 | Nii la doon waaree: «Tuubleen seeni bàkkaar, ndaxte nguuru Yàlla Aji Kawe ji jege na.» |
| Matthaeus | 3 | 3 | Yaxya mooy ki ñu doon wax jaarale ko ci yonent Yàlla Esayi, bi mu naan:«Am na baat buy xaacu ca màndiŋ ma ne:“Xàll-leen yoonu Boroom bi,jubal-leen fi muy jaar.”» |
| Matthaeus | 3 | 4 | Yaxya nag mu ngi soloon mbubb mu ñu ràbbe kawaru giléem, takk geñog der ci ndiggam. Ay njéeréer la doon dunde ak lem. |
| Matthaeus | 3 | 5 | Noonu ñépp génn jëm ci moom, ñi dëkk Yerusalem ak diiwaanu Yude, ak waa dexu Yurdan. |
| Matthaeus | 3 | 6 | Ñu nangu seeni bàkkaar, Yaxya sóob leen ca dexu Yurdan. |
| Matthaeus | 3 | 7 | Noonu ay Farisen ak ay Sadusen yu bare ñëw ci Yaxya, ngir mu sóob leen ñoom itam ca dex ga. Waaye bi leen Yaxya gisee, mu ne leen: «Yéen ñi fees ak daŋar mel ni ay co, ku leen artu, ngeen daw merum Yàlla mi nar a wàcc? |
| Matthaeus | 3 | 8 | Jëfeleen nag ni ñu tuub seeni bàkkaar, |
| Matthaeus | 3 | 9 | te buleen wax ci seen xel naan: “Nun daal doomi Ibraayma lanu,” ndaxte maa ngi leen koy wax, Yàlla man na sàkkal Ibraayma ay doom ci doj yii. |
| Matthaeus | 3 | 10 | Sémmiñ wi tiim na reeni garab yi. Garab nag gu meññul doom yu baax, dees na ko gor, sànni ko ci safara si. |
| Matthaeus | 3 | 11 | Man maa ngi leen di sóob ci ndox, ci lu ànd ak tuub seeni bàkkaar. Waaye kiy ñëw sama gannaaw moo ma ëpp kàttan, ba yeyoowuma koo yóbbul sax ay dàllam. Kooku dina leen sóob ci Xel mu Sell mi ak safara. |
| Matthaeus | 3 | 12 | Layoom mu ngi ci loxoom, ngir jéri dàgga ja, ba mu set; pepp ma dina ko def ca sàq ma, waaye xatax ba dina ko lakk ci safara su dul fey mukk.» |