Gefundene Einträge
| Buch | Kapitel | Vers | Text |
| 1 Mose | 1 | 1 | In die begin het God die hemel en die aarde geskape. |
| 1 Mose | 1 | 2 | En die aarde was woes en leeg, en duisternis was op die wêreldvloed, en die Gees van God het gesweef op die waters. |
| 1 Mose | 1 | 3 | En God het gesê: Laat daar lig wees! En daar was lig. |
| 1 Mose | 1 | 4 | Toe sien God dat die lig goed was. En God het skeiding gemaak tussen die lig en die duisternis; |
| 1 Mose | 1 | 5 | en God het die lig dag genoem, en die duisternis het Hy nag genoem. En dit was aand en dit was môre, die eerste dag. |
| 1 Mose | 1 | 6 | En God het gesê: Laat daar 'n uitspansel wees tussen die waters, en laat dit skeiding maak tussen waters en waters. |
| 1 Mose | 1 | 7 | God het toe die uitspansel gemaak en die waters wat onder die uitspansel is, geskei van die waters wat bo die uitspansel is. En dit was so. |
| 1 Mose | 1 | 8 | En God het die uitspansel hemel genoem. En dit was aand en dit was môre, die tweede dag. |
| 1 Mose | 1 | 9 | En God het gesê: Laat die waters onder die hemel hulle op een plek versamel, sodat die droë grond sigbaar word. En dit was so. |
| 1 Mose | 1 | 10 | En God het die droë grond aarde genoem, en die versameling van die waters het Hy see genoem. Toe sien God dat dit goed was. |
| 1 Mose | 1 | 11 | En God het gesê: Laat die aarde voortbring grasspruitjies, plante wat saad gee en bome wat, volgens hulle soorte, vrugte dra, waarin hulle saad is, op die aarde. En dit was so. |
| 1 Mose | 1 | 12 | Die aarde het voortgebring grasspruitjies, plante wat saad gee volgens hulle soorte en bome wat vrugte dra, waarin hulle saad is, volgens hulle soorte. Toe sien God dat dit goed was. |
| 1 Mose | 1 | 13 | En dit was aand en dit was môre, die derde dag. |
| 1 Mose | 1 | 14 | En God het gesê: Laat daar ligte wees aan die uitspansel van die hemel, om skeiding te maak tussen die dag en die nag; en laat hulle dien as tekens sowel vir vaste tye, asook vir dae sowel as jare. |
| 1 Mose | 1 | 15 | Laat hulle ook dien as ligte aan die uitspansel van die hemel om lig te gee op die aarde. En dit was so. |