Gefundene Einträge
| Buch | Kapitel | Vers | Text |
| Psalm | 1 | 1 | DICHOSO y taotao, ni ti mamomocat gui pinagat y manaelaye, ni y ti sumasaga gui chalan manisao, ni y ti matatachong gui siyan ayo sija y manmanmofefea. |
| Psalm | 1 | 2 | Lao guiya lay Jeova, ayo y minagofña, ya y layña jajaso, jaane yan puenge. |
| Psalm | 1 | 3 | Ya taegüijeja y trongcon jayo ni y matanme gui oriyan sadog, ya guaja tinegchaña gui tiempoña, ya y jagonña ti umalayo; ya todo y finatinasña mumemegae. |
| Psalm | 1 | 4 | Lao ti taegüine y manaelaye; lao parejo yan y paja ni y güinaefe ni y manglo. |
| Psalm | 1 | 5 | Sa enao na ti mangajujulo y manaelaye gui sentensia; ni y manisao gui y inetnon manunas. |
| Psalm | 1 | 6 | Sa si Jeova jatungo y chalan manunas: lao y chalan manaelaye ufanmalingo. |
| Psalm | 2 | 1 | SA jafa na manlalalo y nasion sija, ya y taotao sija manmanjaso y banida? |
| Psalm | 2 | 2 | Manotojgue y ray sija gui tano, ya y prinsipe sija manafaesen entalo sija contra si Jeova, yan contra y pinalaeña, ilegñija: |
| Psalm | 2 | 3 | Nita yulang y guinideña, ya nasuja guiya jita y godeña. |
| Psalm | 2 | 4 | Ya y sumasaga gui langet uchumachaleg: ya y Señot jamofefea sija. |
| Psalm | 2 | 5 | Ayo nae cumuentos yan sija yan y linalaloña: ya y binibuña ninafañatsaga sija. |
| Psalm | 2 | 6 | Lao guajo japolo y rayjo gui jilo Sion, gui santos na egsojo. |
| Psalm | 2 | 7 | Guajo bae jusangan y tinagojo: si Jeova ilegña nu guajo: Lajijo jao; ya guajo julilis jao pago na jaane. |
| Psalm | 2 | 8 | Gagaoyo ya guajo junaejao ni y nasion sija pot y erensiamo ya y uttimon patte y tano, uiyomo. |
| Psalm | 2 | 9 | Ya unyulang sija ni y baran lulog; taegüije y bason y yero unyogyog sija. |