Gefundene Einträge
| Buch | Kapitel | Vers | Text |
| 1 Mose | 1 | 1 | Në fillim Perëndia krijoi qiejt dhe tokën. |
| 1 Mose | 1 | 2 | Toka ishte pa trajtë, e zbrazët dhe errësira mbulonte sipërfaqen e humnerës; dhe Fryma e Perëndisë fluturonte mbi sipërfaqen e ujërave. |
| 1 Mose | 1 | 3 | Pastaj Perëndia tha: "U bëftë drita!". Dhe drita u bë. |
| 1 Mose | 1 | 4 | Dhe Perëndia pa që drita ishte e mirë; dhe Perëndia e ndau dritën nga errësira. |
| 1 Mose | 1 | 5 | Dhe Perëndia e quajti dritën "ditë" dhe errësirën "natë". Kështu erdhi mbrëmja e pastaj erdhi mëngjesi: dita e parë. |
| 1 Mose | 1 | 6 | Pastaj Perëndia tha: "Le të jetë një kupë qiellore mes ujërave, që t'i ndajë ujërat nga ujërat". |
| 1 Mose | 1 | 7 | Dhe Perëndia krijoi kupën qiellore dhe ndau ujërat që ishin poshtë saj nga ujërat që ishin sipër saj. Dhe kështu u bë. |
| 1 Mose | 1 | 8 | Dhe Perëndia e quajti kupën qiellore "qiell". Kështu erdhi mbrëmja, pastaj erdhi mëngjesi: dita e dytë. |
| 1 Mose | 1 | 9 | Pastaj Perëndia tha: "Ujërat që janë nën qiellin të grumbullohen në një vend të vetëm dhe të shfaqet tera". Dhe kështu u bë. |
| 1 Mose | 1 | 10 | Dhe Perëndia e quajti terën "tokë" dhe grumbullimin e ujërave "detë". Dhe Perëndia pa që kjo ishte mirë. |
| 1 Mose | 1 | 11 | Pastaj Perëndia tha: "Të mbijë toka gjelbërimin, barërat të nxjerrin farë dhe drurët frutore të japin në tokë një frut që të përmbajë farën e tij, secili simbas llojit të tij". Dhe kështu u bë. |
| 1 Mose | 1 | 12 | Dhe toka prodhoi gjelbërim, barëra që e bënin farën simbas llojit të tyre dhe drurë që mbanin fruta me farën e tyre brenda, secili simbas llojit të vet. Dhe Perëndia e pa se kjo ishte mirë. |
| 1 Mose | 1 | 13 | Kështu erdhi mbrëmja, pastaj erdhi mëngjesi; dita e tretë. |
| 1 Mose | 1 | 14 | Pastaj Perëndia tha: "Të ketë ndriçues në kupën qiellore për të ndarë ditën nga nata; dhe të shërbejnë si shenja, për të dalluar stinët, ditët dhe vitet; |
| 1 Mose | 1 | 15 | dhe të shërbejnë si ndriçues në kupën qiellore për të ndriçuar tokën". Dhe kështu u bë. |