Gefundene Einträge
Buch | Kapitel | Vers | Text |
Nehemia | 5 | 13 | [D] . . . . jah qaþ alla gamainþs: amen. jah hazidedun fraujan jah gatawidedun þata waurd alla so managei. |
Nehemia | 5 | 14 | [D] jah fram þamma daga ei anabauþ mis ei weisjau fauramaþleis ize in Iudaia, fram jera ·k· und jer ·l· jah anþar Arta[r]ksairksaus þiudanis ·ib· jera, ik jah broþrjus meinai hlaif fauramaþleis meinis ni matidedum. |
Nehemia | 5 | 15 | [D] iþ fauramaþljos þaiei weisun faura mis kauridedun þo managein jah nemun at im hlaibans jah wein jah nauhþanuh silubris sikle ·m·, jah skalkos ize fraujinodedun þizai managein; iþ ik ni tawida swa faura andwairþja agisis gudis. |
Nehemia | 5 | 16 | [D] jah waurstw þizos baurgswaddjaus inswinþida, jah þaurp ni gastaistald, jah þiwos meinai jah allai þai galisanans du þamma waurstwa. |
Nehemia | 5 | 17 | [D] jah Iudaieis jah þai fauramaþljos ·r· jah ·n· gumane jah þai qimandans at unsis us þiudom þaim bisunjane unsis ana biuda meinamma andnumanai weisun. |
Nehemia | 5 | 18 | [D] jah was fraquman dagis hvizuh stiur ·a· lamba gawalida ·q· jah gaits [·a·] gamanwida was mis; jah bi ·i· dagans gaf wein allai þizai filusnai jah allai þizai managein; jah ana þo alla hlaif fauramaþleis meinis ni sokida, in þi |
Nehemia | 6 | 14 | [D] . . . . (praufe)te, þaiei þrafstidedun mik. |
Nehemia | 6 | 15 | [D] jah ustauhana warþ so baurgswaddjus ·e· jah ·k· daga men(oþis) (Alulis), ·n· dage jah ·b· |
Nehemia | 6 | 16 | [D] jah warþ, swe hausidedun fiands unsarai allai, jah ohtedun allos þiudos þos bisunjane unsis, jah atdraus agis in au(g)ona ize abraba; jah ufkunþedun þatei fram guda unsaramma warþ usfulliþ þata waurstw. |
Nehemia | 6 | 17 | [D] jah in dagam jainaim managai weisun þize reikjane Iudaie, þaiei sandidedun aipistulans du Tobeiin, jah Tobeias du im. |
Nehemia | 6 | 18 | [D] managai auk in Iudaia ufaiþjai weisun imma, unte megs was Saixaineiins, sunaus Aieirins, jah Ioanan sunus is nam dauhtar Maisaullamis, sunaus Barakeiins, du qenai. |
Nehemia | 6 | 19 | [D] jah rodidedun du imma wai(la) in andwairþja meinamma, jah waurda meina spillodedun imma, jah aipistulans insandida Tobeias ogjan mik. |
Nehemia | 7 | 1 | [D] Jah warþ, swe gatimrida warþ so baurgswaddjus, jah gasatida haurdins, jah gaweisodai waurþun daurawardos jah liuþarjos jah Laiwweiteis; |
Nehemia | 7 | 2 | [D] jah anabauþ Anaiin broþr meinamma jah Ananeiin fauramaþlja baurgs Iairusalems, unte sa was wair sunjeins jah ogands fraujan ufar managans; |
Nehemia | 7 | 3 | [D] jah qaþ im: ni uslukaindau daurons Iairusalems, und þatei urrinnai sunno . . . . |