Gefundene Einträge
| Buch | Kapitel | Vers | Text |
| 1 Mose | 1 | 1 | In principio creavit Deus cælum et terram. |
| 1 Mose | 1 | 2 | Terra autem erat inanis et vacua, et tenebræ erant super faciem abyssi : et spiritus Dei ferebatur super aquas. |
| 1 Mose | 1 | 3 | Dixitque Deus : Fiat lux. Et facta est lux. |
| 1 Mose | 1 | 4 | Et vidit Deus lucem quod esset bona : et divisit lucem a tenebris. |
| 1 Mose | 1 | 5 | Appellavitque lucem Diem, et tenebras Noctem : factumque est vespere et mane, dies unus. |
| 1 Mose | 1 | 6 | Dixit quoque Deus : Fiat firmamentum in medio aquarum : et dividat aquas ab aquis. |
| 1 Mose | 1 | 7 | Et fecit Deus firmamentum, divisitque aquas, quæ erant sub firmamento, ab his, quæ erant super firmamentum. Et factum est ita. |
| 1 Mose | 1 | 8 | Vocavitque Deus firmamentum, Cælum : et factum est vespere et mane, dies secundus. |
| 1 Mose | 1 | 9 | Dixit vero Deus : Congregentur aquæ, quæ sub cælo sunt, in locum unum : et appareat arida. Et factum est ita. |
| 1 Mose | 1 | 10 | Et vocavit Deus aridam Terram, congregationesque aquarum appellavit Maria. Et vidit Deus quod esset bonum. |
| 1 Mose | 1 | 11 | Et ait : Germinet terra herbam virentem, et facientem semen, et lignum pomiferum faciens fructum juxta genus suum, cujus semen in semetipso sit super terram. Et factum est ita. |
| 1 Mose | 1 | 12 | Et protulit terra herbam virentem, et facientem semen juxta genus suum, lignumque faciens fructum, et habens unumquodque sementem secundum speciem suam. Et vidit Deus quod esset bonum. |
| 1 Mose | 1 | 13 | Et factum est vespere et mane, dies tertius. |
| 1 Mose | 1 | 14 | Dixit autem Deus : Fiant luminaria in firmamento cæli, et dividant diem ac noctem, et sint in signa et tempora, et dies et annos : |
| 1 Mose | 1 | 15 | ut luceant in firmamento cæli, et illuminent terram. Et factum est ita. |